你好，謝謝你的問題。面對住爸爸情緒陷入低谷，甚至講一啲令人心驚肉跳嘅對白，作為仔女，真的好大壓力。其實，你已經做得好好，好有警覺性去留意到爸爸嘅轉變。

對於你提到的情況，我們有幾個簡單的建議：

1. 換轉溝通方法：

當你跟爸爸說「你諗多咗咋、去行下山咪冇事囉」，你的出發點是想替他解決問題。但他好容易接收成：「你嘅痛苦係好小事」 。這樣反而會令他覺得更加被孤立，甚至不太願意再向你訴心事。不如你嘗試用「同理心聆聽」回應他，比如這樣說：

「爸爸，我聽得出你呢排真係好唔開心。雖然我未必完全明你感受，但見到你咁辛苦，我好心痛。」 讓他知道他的情緒被「看見」和被「接納」，他的心才會軟化。

2. 嚴肅看待「危險信號」，但不要用說教式對抗

聽到「呢個世界冇咩好留戀」這類說話，絕對不可以視爲「老人家發牢騷」而輕視。

• 你可以直接關心他，溫和但堅定的問：「爸爸，你啱啱咁講，係咪代表你依家真係好想放棄自己？你有冇諗過做啲傷害自己嘅事？」
• 好多人驚問「自殺」會唔會引導對方去做，但心理學研究證實，直接問並不會增加自殺風險，反而會令對方感受到你真的在乎他、肯承接他的痛苦。

3. 如何面對「唔肯去睇醫生」的退休長者

香港的老一輩特別抗拒睇精神科或者心理學家，因為他們會覺得「睇呢啲即係認自己痴線」、「認輸」。

• 曲線求醫： 如果直接要他們去看心理學家或精神科有一定的困難，未必可行，可以試用「曲線救國」的方法。例如：「爸爸，你最近成日失眠、個人又好攰，不如我哋一齊約家庭醫生度做個全面身體檢查？睇下係咪身體有咩缺乏或者血壓問題影響咗心情。」

照顧一個情緒受困的家人是一場「馬拉松」，你都要照顧好自己。如果你覺得自己都開始「頂唔順」，記得記得隨時找專業人士傾傾。

祝福你和家人！

余漫怡女士 （心理輔導員）

張鴻堅醫生（精神科專科醫生）